Harisree

പഴശ്ശിയുടെ ഓര്‍മ്മകള്‍...............

2009-11-02T01:09:00.000-08:00

ലോകമാകമാനം പഴശ്ശി രാജാ തേരോട്ടം തുടരുകയാണ്..... അതില്‍ പ്രവര്‍ത്തിക്കാന്‍ കഴിഞ്ഞതില്‍ എനിക്കിപ്പോള്‍ അഭിമാനം തോന്നുന്നു . രണ്ടു വര്‍ഷങ്ങള്‍ക്കു മുമ്പുള്ള ഒരു മാര്‍ച്ചില്‍ പഴശ്ശി രാജായുടെ തിരക്കഥ പകര്‍ത്തിയെഴുതാന്‍ വേണ്ടി ഹരിഹരന്‍ സര്‍ എന്നെ വിളിച്ചതാണ് ഇപ്പോള്‍ ഓര്‍മയില്‍ വരുന്നത്. അന്ന് ഈസ്റ്റ്‌ നടക്കാവിലെ ഒരു ഹോട്ടലായിരുന്നു എം .ടി. യും ഹരിഹരന്‍ സാറും ക്യാമ്പ്‌ ചെയ്തിരുന്നത്. "ഇയാള്‍ക്ക് എഴുതി പരിചയമുണ്ടോ ?". എന്നെ കണ്ടപാടെ എം .ടി.ചോദിച്ചു. " മയൂഖം കോപ്പി ചെയ്തത്‌ ഇയാളാണ് ". ഹരിഹരന്‍ സര്‍ എന്നെ പരിചയപ്പെടുത്തി. എം .ടി. യുടെ കാല്‍തൊട്ടു വണങ്ങി എഴുതാനിരുന്നു. ആ വരികള്‍ പകര്തനിരുന്നപ്പോള്‍ അറിയാതെ കയ്കള്‍ വിറച്ചു. വായിക്കാന്‍ തുടങ്ങിയ കാലം മുതല്‍ക്കു മനസ്സില്‍ ആരാധിക്കുന്ന എഴുത്തുകാരന്റെ ജീവസ്സുറ്റ കരുത്താര്‍ന്ന അക്ഷരങ്ങള്‍... അടുത്ത മുറിയില്‍ അയാളുടെ സര്‍ഗ്ഗാത്മകമായ നിറഞ്ഞ സാന്നിധ്യം....തിരക്കഥ വായിച്ചു തുടങ്ങിയപ്പോഴേ ഇതൊരു ക്ലാസ്സിക്‌ സിനിമ ആകുമെന്ന് മനസ്സു മന്ദ്രിച്ചിരുന്നു. എഴുതിയ സീനുകള്‍ വാങ്ങാന്‍ വേണ്ടി ഇടക്കിടെ എം .ടി. യുടെ മുറിയിലേക്ക് പോകേണ്ടിയിരുന്നു. ഗണേഷ്‌ ബീടിയുറെ പുകക്കിടയില്‍ നീറി നീറി വിടരുന്ന ആ സര്‍ഗ ചൈതന്യത്തെ ഞാന്‍ മതിവരുവോളം നോക്കി നിന്നു.. ഒരു ആദ്യപകന്റെ ചിട്ടയോടെ എം .ടി. എന്റെ സംശയങ്ങള്‍ തീര്ത്തു തന്നു. ഒരു പ്രാവശ്യം എഴുതിയ സീനുകളുമായി എം .ടി.എന്റെ മുറിയിലേക്ക് കയറി വന്നു. ഞാന്‍ ഞെട്ടി എഴുന്നേറ്റു. "വേണ്ട വേണ്ട .... എഴുന്നെല്‍ക്കേണ്ട പണി നടക്കട്ടെ ...ബഹുമാനം മനസ്സില്‍ മതി...." അദ്ദേഹം ഒരു ചെറുചിരി യോടെ പറഞ്ഞു. ക്ലൈമാക്സ്‌ എന്തയിരിക്കുമെന്നരിയന്‍ എല്ലാവരും ആകാംക്ഷയോടെ കാത്തിരുന്നു.

ഒരു വടക്കന്‍ വീര ഗാഥ യിലേതു പോലെ ക്ലൈമാക്സില്‍ എന്തെങ്ങിലും മാറ്റമുണ്ടാകുമോ? . എന്നാല്‍ അതുണ്ടായില്ല. പഴശ്ശി രാജാ ചരിത്രത്തിന്റെ ആവിഷ്ക്കരണം ആയിരുന്നു. എല്ലാവരും ഉറങ്ങുമ്പോള്‍ ഹോട്ടല്‍ മുറിയിലെ ശീതളിമയില്‍ ഇരുന്നു പാതിരാവോളം തിരക്കഥ പകര്‍ത്തുമ്പോള്‍ പഴശ്ശി രാജാ യുടെ സാന്നിധ്യം തീവ്രമായി അനുഭവിക്കാന്‍ കഴിഞ്ഞു . എടച്ചേന കുന്ഗ്ഗന്‍ , തലക്കല്‍ , നീലി, തുടങ്ങിയവരും മുറിയിലെ കോണുകളില്‍ നിന്നും ഇറങ്ങിവന്നു. ഈ ചരിത്ര നിയോഗത്തില്‍ എളിയ രീതിയില്‍ ഭാഗമാകാന്‍ കഴിഞ്ഞതില്‍ ആ യാമങ്ങളില്‍ എനിക്ക് അഭിമാനം തോന്നി. ഒരു ആഴ്ച കൊണ്ടാണ് പഴശ്ശി രാജാ പകര്‍ത്തി എഴുതി കഴിഞ്ഞത്‌. ഈസ്റ്റ്‌ നടക്കാവിലെ ഒരു കടയില്‍ നിന്നും അതിന്റെ ഫോട്ടോസ്റ്റാറ്റ് എടുത്ത്‌ ഫയല്‍ ചെയ്തു എം ടി യെ എല്പ്പികുമ്പോള്‍ എന്റെ മനസ്സു നിറഞ്ഞു. അദേഹത്തിന്റെ പെനകളിലേക്ക് ഞാന്‍ ഭക്തിയോടെ കണ്ണോടിച്ചു. എന്റെ ആഗ്രഹം അറിഞ്ഞാല്‍ എന്നത് പോലെ എം ടി ആ പേനകള്‍ എല്ലാം വരി എടുത്ത്‌ എനിക്ക് നല്കി. ഞാന്‍ ഭക്തി പൂര്‍വ്വം അവ വാങ്ങി. അദേഹത്തിന്റെ കാല്‍ തൊട്ടു വന്ദിച്ചു.

( തുടരും .........................)

മയൂഖം സിനിമയുടെ ആദ്യദിനം .....ഒളിമങ്ങാത്ത ചിത്രം......

2009-10-30T03:14:00.000-07:00

" കാറ്റിനു സുഗന്ധമാനിഷ്ടം കാടിനു നാഥമാനിഷ്ടം ....." മയൂഖം സിനിമയുടെ രികാര്‍ദിംഗ് ഡേ. എ വി എം സ്റ്റുഡിയോ ചെന്നൈ.

2009-10-30T03:00:00.000-07:00

"ഈ പുഴയും കുളിര്‍കാറ്റും മാന്ജോടും മലര്ക്കാവും ....." മയൂഖത്തിലെ ഹിറ്റ്‌ സോങ്ങിന്റെ ചിത്രീകരണം. തളിപ്പരംബ് ശ്രീകണ്ടാപുരത് നിന്നു

2009-10-30T02:51:00.000-07:00

മയൂഖം സിനിമയുടെ ക്ലൈമാക്സ്‌ രംഗം. തലശ്ശേരി ധര്‍മടം തുരുത്തില്‍ നിന്നു. ഞാന്‍ സംവിധാനത്തിന്റെ ഹരിശ്രീ കുറിച്ച സിനിമ. എന്റെ ഹരിഹരന്‍ സാറിന്റെ സിനിമ..

2009-10-30T02:34:00.000-07:00

2009-10-30T02:30:00.001-07:00

മോബൈല്‍ പ്രണയം

2009-01-21T22:05:00.000-08:00

വളരെക്കാലത്തെ മോബൈല്‍ പ്രണയത്തിനു ശേഷം അവര്‍ പിരിയാന്‍ തീരുമാനിച്ചു. ഇനി ഒരിക്കലും ഫോണ്‍ വിളിക്കില്ലെന്ന ശപഥം എടുക്കാനോരുങ്ങവേ പെട്ടെന്ന് എന്തോ ഓര്‍ത്തുകൊണ്ട് അവന്‍

അവളെ വിലക്കി."വേണ്ടാ ........ജനുവരി മാസം കഴിഞ്ഞു പിരിയാം..." അത് കേട്ടു അവള്‍ :- വേണ്ടെടാ ഇനി ഒരു മടക്കയാത്ര വേണ്ട.................

അവന്‍ :- മടക്കയാത്രക്കൊന്നുമല്ല

അവള്‍ :- പിന്നെ.....?

അവന്‍ :-എന്റെ ബോണസ് കാര്‍ഡിന്റെ കാലാവധി ജനുവരി മുഴുവന്‍ ഉണ്ട്...... അത് വരെ നമുക്കു പ്രണയിക്കാം .... വെറുതെ കാര്ഡ് വേസ്റ്റ് ആക്കേണ്ടല്ലോ....!

ഫ്ലാഷ് ബാക്ക്.......................

2008-10-09T22:21:00.000-07:00

ഓര്‍മ്മയുടെ മുപ്പത് എം .എം ബ്ലാക്ക്‌ ആന്‍ഡ് വൈറ്റ് സ്ക്രീനില്‍ ഒളിമങ്ങാത്ത ഒരു സീക്കിന്‍സ് . അമ്മയുടെ മടിയില്‍ കിടന്നു പാലുകുടിക്കുന്ന മൂന്ന് വയസ്സുകാരന്‍ ഉമ്മറത്തെ നരച്ച ചുമരിലേക്കു വെറുതെ കണ്ണോടിക്കവേ ഒരു ഫോട്ടോ കണ്ണിലുടക്കി. അതില്‍ പഴയ ആരിഫ്ലെക്സ് മുവി ക്യാമറയിലൂടെ നോക്കുന്ന വെള്ളയും വെള്ളയും ധരിച്ച ഒരു രൂപമായിരുന്നു.അമ്മേ അതാരാ?. അത് ഹരിമാമന്‍...സിനിമയിലാണ്. ആ നിമിഷത്തില്‍ ആയിരിക്കണം കണ്ടു മതിയാകാത്ത ഒരു സ്വപനം പോലെ സിനിമയെന്ന മായികത അമ്മിഞ്ഞപ്പാലിന്റെ മധുരത്തിനൊപ്പം രക്തത്തിലേക്ക് സന്നിവേശിച്ചത്. പഴയ ഇരുംബ് പെട്ടിയില്‍ അമ്മ സൂക്ഷിച്ചുവെച്ച നിറം മങ്ങിയ സിനിമ വാരികകളില്‍ നിന്നും ഹരിമാമന്‍ മനസിന്റെ സ്റ്റോറി ബോര്‍ഡിലെ ദൈവ സമാനമായ കഥാപാത്രമാവുകയായിരുന്നു. മഞ്ഞവേയില് നിറഞ്ഞ വൃചികത്തിലെ ഉച്ചയിലോന്നില്‍ മുത്തച്ചന്‍ വീട്ടിലേക്ക് തിരക്കിട്ട് കയറിവന്നു. വരുന്നു....വരുന്നു... ഹരി വരുന്നു.... അത് കേട്ട പാടെ വീട് മുഴുവന്‍ ഓടി നടന്നു വൃത്തിയാക്കാന്‍ അമ്മ പാടുപെട്ടു. അച്ഛന്‍ ഷര്‍ട്ട്‌ എടുത്തിട്ടു പുറകു വശത്തെ വഴിയിലൂടെ പീടികയിലെക്കൊടി. പലഹാരങ്ങള്‍ വാങ്ങിക്കൊണ്ടു വന്നു. ഉമ്മറത്തെ കസെരകള്‍ തുടച്ച് വൃത്തിയാക്കാന്‍ മുത്തച്ചനെ സഹായിക്കവേ പെട്ടെന്ന് കുളിച്ചൊരുന്ങാന്‍ അമ്മ ശാസിച്ചു. കുളിച്ചൊരുങ്ങി പുതിയ ടെര്‍ലിന്‍ ഷര്‍ട്ട്‌ ഇട്ടു മുത്തച്ഛന്റെ കയ്യില്‍ തൂങ്ങി റോഡ് വക്കില്‍ കാത്ത് കാത്തിരുന്നു. കണ്ണ് കഴക്കവേ റോഡിന്റെ അനന്തതയില്‍ നിന്നും ഒരു വെളുത്ത പൊട്ട്‌ കാറിന്റെ രൂപം പ്രാപിച്ചു. വരുന്നുണ്ട്........വരുന്നുണ്ട്.....മുത്തച്ഛന്‍ ഓര്‍മ്മിപ്പിച്ചു.സമീപത്ത് കിതച്ചു നിന്ന കാറിന്റെ ഡോര്‍ തുറന്നു വെള്ള ഷര്‍ട്ടും പാന്റും ധരിച്ച രൂപം മുതച്ചനോടു ചിരിച്ചു കൊണ്ട് പുറത്തേക്കിറങ്ങി. കവലയില്‍ കൂടിനിന്ന ആളുകള്‍ അത്ബുതതൊടെ കാറിനെ വളഞ്ഞു.ആള്‍ക്കൂട്ടത്തെ മറികടന്നു ഞങ്ങള്‍ക്ക് അരികിലെത്തിയ ഹരിമാമന്‍ നാ‌ ല് വയസു കാരന്റെ കവിളില്‍ സ്നേഹത്തോടെ തലോടി. ദേവൂന്റെ മോന്‍ അല്ലെ....... എന്ന് ചോദിക്കേണ്ട കാര്യമില്ല മുഖത്ത് എഴുതി വെച്ചിരിക്കുന്നു...... ആരാധനയോടെ പിന്തുടരുന്ന ആള്‍ക്കൂട്ടത്തിന്റെ അകമ്പടിയോടെ ഹരിമാമാനോപ്പം വീട്ടിലേക്ക് നടന്നപ്പോള്‍ നാലു വയസ്സുകാരന്‍ സിനിമയുടെ അതുല്യമായ മാണ്ട്രികതക്കുമുംബില്‍ അറിയാതെ കീഴടങ്ങുകയയിരുന്നോ...?. ആരണ്യകത്തിലെ അമ്രുതമ്ഗമയ പോലെ പഞാഗ്നിയില്‍ കടെന്ജെടുത പരിണയ മുദ്ര പോലെ കാലം മായ്ക്കാത്ത വീര ഗാഥകള്‍ സൃഷ്‌ടിച്ച സര്‍ഗ പ്രതിഭ ക്കൊപ്പമുള്ള യാത്രയുടെ ആരംഭം അതായിരിക്കാം.... ലാഭ നഷ്ടങ്ങളുടെ കണക്കെടുക്കരുത്... കാരണം യാത്ര തുടരുകയാണല്ലോ...അത് എന്നും ഇങ്ങനെ തുടര്‍ന്നിരുന്നെങ്ങില്‍ അനാദിയായി.............ദ ഏന്‍ഡ് എന്ന് എഴുതി കാണിക്കാത്ത ഒരു ചലച്ചിത്രം പോലെ..................